Sui Thar

Sui Hnem Thar ( A Hnem Thar) cu Pu Bawi Kawm le Pi Sui Cuai hna i an hrinsor thluachuah pa li hna lak i upa bik a si i July 7, 1999 ah Surkhua, Myanmar ah a rak chuak. Unau pali lak ah Sui Hnem Thar a chang tu cu Biak Cung Nung, a chang tu ah Bawi Men Eng, fa hniang bik ah James Bawi Tin Sang a si.

A Hnem Thar cu a nun lioah Bawipa a ttihzah, a miphun caah rian tampi a rak tuan i a chungkhar, a hawikawm caah zohchunawktlak nutling tak tak a si i khua nu khua pa le a innpa hna caah rinchan awktlak nu sal tha pakhat a si. Kum 24 chung vawlei a nun chung vialte ah mino hna hruaitu dirhmun rian tampi a rak tuan nak hna cu Senthang Churches Youth Department (SCY) le Surkhua Mino Organization hna ah Assistant Secretary hna an si pin ah aa pehtlaihnak bupi si mi Senthang Chin Baptist Church (SCBC) zong ah rian tampi a rak tuan: SCBC Youth Department Assistant Secretary, SCBC CE Department Vice Chairman, hna le bupi Auditor hna lak ah pakhat zong a rak si fawn. Hawikawm tha dawtu tampi a ngeih hna i a nu le pa, a tta le pa hnih le a nau hna nih an upat i an tlaihchan ngaingai mi a rak si. 

Cu lawng hmanh si lo in USA Texas zong ah Bachelor of Science in Interdisciplinary Studies in sianghleirun tha tein a dih hnu ah rian tha a tlai kho mi a si. Upat awk tlak mi a thil ti khawh mi hna an hram an i thok nak cu a chungkhar dihlak in USA ram ah an rak i pemnak in a rak i  thawk. 2008 November thla ah Dallas, Texas USA ah Myanmar in an rak pem i tang 4 in fimcawn nak hram a rak i thawk. Elementary School a dih in (May 2010), Middle school a dih tiang le (May 2013), High School a dih tiang a chang chang tein a dih thluahmah. 2017 August thla in cozah nih theihpi mi (accredited school) Texas A&M Commerce ah sianghleirun peh hram a rak i thawk i May 2021 ah tlamtling tein a rak i lim. Fimcawnnak ah cathiam a si caah scholarship le grant tampi a hmuh hna i a chungkhar a u nau hna retheihnak pek hin lo in le sianginn a dih cangka in August 2021 in W B Cooper Elementary School ah sianginn sayamah tuan hram a rak i thawk colh. Cu Elementary School ahcun vawlei in a liam tiang fel tein rian a rak tuan i hngakchia hna dawtnak le zawnruahnak he fimnak ca a rak chimh hna. May 7, 2025 ah A Hnem Thar cu dai tein Pathian tangnem ah aa din.